ప్రజా ఉద్యమంగా మారుతున్న సిపిఐ నిరసన దీక్ష
నాలుగవ రోజుకు చేరిన నిరసన దీక్ష
సర్వే నెంబర్ 1228లో పేద ప్రజలను ఇల్లను నిర్దాక్షిణ్యంగా ఎటువంటి సమాచారం లేకుండా కూల్చేయటం తో దానికి వ్యతిరేకంగా పేద ప్రజలకు న్యాయం చేయాలంటూ సిపిఐ ఆధ్వర్యంలో అశ్వరావుపేటలోని తహసిల్దార్ కార్యాలయం ముందు చేపట్టిన నిరసన దీక్ష నాలుగవ రోజుకు చేరుకుంది. ఈ నిరసన దీక్షకు వివిధ రాజకీయ పార్టీలు, ప్రజా సంఘాలు మద్దతు తెలియ చేశాయి. ఎటువంటి సమాచారం లేకుండా నిర్దాక్షిణ్యంగా అర్ధరాత్రి తమ ఇళ్లను కూల్చివేసినందుకు ప్రజలు ఆవేదనను ఆగ్రహాన్ని వ్యక్తం చేస్తున్నారు. ప్రభుత్వం,అధికారులు వెంటనే స్పందించి నష్టపోయిన పేద ప్రజలకు ప్రత్యామ్నాయం చూపించి, వారికి తగిన న్యాయం చేయకపోతే ఈ నిరసన దీక్ష మాకు మద్దతు ఇచ్చే రాజకీయ పార్టీలు, ప్రజా సంఘాలతో కలసి ప్రజా ఉద్యమంగా మారుతుందని ప్రజలు,సిపిఐ పార్టీ శ్రేణులు హెచ్చరికలు జారీ చేస్తున్నాయి. ఈ నిరసన దీక్షకు మద్దతును తెలియజేస్తూ ప్రజా నాట్యమండలి వారు ఈ కార్యక్రమంలో ఈరోజు పాల్గొన్నారు. గిరిజన సంఘం నాయకులు వాసం పోలయ్య నిరసన దీక్షలో పాల్గొని సిపిఐ చేస్తున్న నిరసన దీక్షకు మద్దతు తెలియజేశారు,పేద ప్రజల ఇళ్లను కూల్చివేయడం సరైన పద్ధతి కాదని, ఇదొక రాక్షస చర్య అని దీనిని తీవ్రంగా ఖండిస్తున్నామని, వీళ్ళకి న్యాయం జరిగేలా ప్రభుత్వం తగిన చర్యలు తీసుకోవాలని, లేదంటే సిపిఐ పార్టీతో తో కలిసి ఈ ఉద్యమంలో ప్రయాణం చేస్తామని అన్నారు.అశ్వరావుపేట రెవెన్యూ మోజ లో భూస్వాముల ఆధీనంలో ఉన్న కొన్ని వందల ఎకరాల ప్రభుత్వ భూమిని ఏ విధంగా వారికి కట్టబెట్టారో దానికి ప్రభుత్వ అధికారులు, ఎమ్మార్వో సమాధానం చెప్పాలని దానిని పక్కనపెట్టి పేద బడుగు బలహీన వర్గాలకు చెందిన ప్రజలు నిర్మించుకున్న గుడిసెలను కూల్చేయటం తీవ్రంగా ఖండిస్తున్నామని, ప్రభుత్వ భూములను భూస్వాములకు ఏ విధంగా కట్టబెట్టారో సమాధానం చెప్పకపోతే ఈ నిరసన దీక్షను ప్రజా ఉద్యమంగా ముందుకు తీసుకు వెళతామని సిపిఐ పార్టీ శ్రేణులు, ప్రజలు హెచ్చరికలు జారీ చేస్తున్నాయి.
ఈ కార్యక్రమంలో సిపిఐ నాయకులు, కార్యకర్తలు, వివిధ ప్రజాసంఘాల నాయకులు, నష్టపోయిన ప్రజలు అధిక సంఖ్యలో పాల్గొన్నారు.
