రాష్ట్రంలో అవినీతిపై ఏసీబీ (ACB) దళాలు దూకుడు కొనసాగిస్తున్నాయి. తాజాగా రాజేంద్రనగర్‌ GHMC డిప్యూటీ కమిషనర్ రవి కుమార్‌ను లంచం కేసులో అదుపులోకి తీసుకున్నారు. శుక్రవారం మధ్యాహ్నం ఓ హోటల్ యజమాని నుంచి రూ.2 లక్షల లంచం స్వీకరిస్తుండగా ఏసీబీ అధికారులు రెడ్ హ్యాండెడ్‌గా పట్టుకున్నారు.
ఈ ఘటనపై మరిన్ని వివరాలు త్వరలో బయటకు వచ్చే అవకాశం ఉంది. ఇదిలా ఉంటే, ఇటీవల ఏసీబీ బృందాలు రాష్ట్రవ్యాప్తంగా యాక్టివ్‌గా పనిచేస్తున్నాయి. అవినీతి పెరగకుండా పెద్దస్థాయి అధికారులపైనా దాడులు చేపడుతూ అవినీతి తిమింగలాలను పట్టుకుంటున్నాయి.
ఇటీవల ఆదాయానికి మించిన ఆస్తుల కేసులో ఇరిగేషన్‌ శాఖ మాజీ ఇంజినీర్ ఇన్‌ చీఫ్‌ (ఈఎన్సీ) మురళీధర్ రావును అరెస్ట్ చేసిన విషయం తెలిసిందే. కోర్టు అనుమతితో ఆయనను కస్టడీకి తీసుకొని విచారణ కొనసాగిస్తున్న ఏసీబీ, వరుసగా మరో ఉన్నతాధికారిని పట్టుకోవడం రాజకీయంగా కూడా హాట్ టాపిక్‌గా మారింది.
